ဘ၀ကောင်းတစ်ခု ရချင်ရင်ငါးပါးသီလလုံခြုံမှဖြစ်မယ်

လူ့ဘ၀ရယ်လို့ရလာပြီဆိုရင် ယေဘုယျအားဖြင့် အရေးကိစ္စ ငါးပါးနဲ့ မလွဲမသွေ ပတ်သက်ရပါမယ်။ လူ့တာဝန်အရေးငါးပါး လို့ဆိုရင်မမှားပါဘူး။ကျန်းမာရေး၊စီးပွားရေး၊အိမ်ထောင်ရေး ၊လူမှုရေးနဲ့ ပညာရေးတို့ပါပဲ။

ကျန်းမာရေးကောင်းမွန်တဲ့ လူတစ်ယောက်ဖြစ်ဖို့အတွက် ပါဏာတိပါတသိက္ခာပုဒ် လုံခြုံရပါတယ်။ပါဏတိပါတ သမားတွေဟာ ဖြစ်လေရာဘ၀တိုင်း အနာရောဂါများပြီး ကျန်းမာရေးညံ့ဖျင်းတတ်ပါတယ်။


စီးပွားရေးပြည့်စုံတဲ့သူတစ်ယောက်ဖြစ်ဖို့အတွက် အဒိန္နာဒါနသိက္ခာပုဒ်လုံခြုံရပါတယ်။ အဒိန္နဒါနသမားတွေဟာ ဖြစ်လေရာဘ၀တိုင်း ပစ္စည်းဥစ္စာချို့တဲ့ပြီး စီးပွားရေးနိမ့်ကျတတ်ပါတယ်။


အိမ်ထောင်ရေးသာယာတဲ့ လူတစ်ယောက်ဖြစ်ဖို့အတွက် ကာမေသုမိစ္ဆာစာရသ်ိက္ခာပုဒ် လုံခြုံရပါတယ်။ကာမေသုမိစ္ဆာစာရ သမားတွေဟာ ဖြစ်လေရာဘ၀တိုင်း ပြဿနာရှုတ်ထွေးပြီး အိမ်ထောင်ရေးကံ ဆိုးတတ်ပါတယ်။


လူမှုရေးအဆင်ပြေတဲ့လူတစ်ယောက်ဖြစ်ဖို့အတွက် မုသာဝါဒသိက္ခာပုဒ် လုံခြုံရပါတယ်။မုသာဝါဒသမားတွေဟာ ဖြစ်လေရာဘ၀တိုင်း လူအယုံအကြည် ကင်းမဲ့ပြီး လူမှုဆက်ဆံရေးလွဲချော်တတ်ပါတယ်။


ပညာရေးမြင့်မားတဲ့ လူတစ်ယောက်ဖြစ်ဖို့အတွက် သုရာမေရယသိက္ခာပုဒ် လုံခြုံရပါတယ်။သုရာမေရယသမားတွေဟာ ဖြစ်လေရာဘ၀တိုင်း အသိဥာဏ်ထုံထိုင်းပြီး ပညာရေးအောက်တန်းကျတတ်ပါတယ်။


လူ့တာဝန်အရေးငါးပါးလုံးမှာ အောက်ကျနောက်ကျမဖြစ်ပဲ အထက်တန်းကျကျ ၊ အဆင့်အတန်းမြင့်မြင့်ဖြစ်နေဖို့အတွက် ငါးပါးသီလ သိက္ခာပုဒ် ၅ ခုကို အဖြူစင်ဆုံး ၊ အသန့်ရှင်းဆုံးဖြစ်အောင် ထိန်းသိမ်းစောင့်ရှောက်သင့်ပါတယ်။


လူရယ်လို့ဖြစ်လာတိုင်း ဘ၀ကောင်းတစ်ခုရပြီလို့ မဆိုနိုင်သေးပါဘူး။ ငါးပါးသီလ ဖောက်ဖျက်မှုရဲ့ အကျိုးဆက်တွေနဲ့ ထုဆစ်ထားတဲ့ လူတစ်ယောက်ရဲ့ ဘ၀ဟာ ဘ၀ကောင်းမဟုတ်သေးပါဘူး။ငါးပါးသီလ လုံခြုံမှုရဲ့ အကျိုးဆက်တွေနဲ့ ထုံမွှမ်းလွှမ်းခြုံနေတဲ့ လူတစ်ယောက်ရဲ့ ဘ၀ကိုသာ အဖိုးတန်ဘ၀ကောင်းလို့ဆိုနိုင်ပါတယ်။


လူတစ်ယောက်ငါးပါးသီလတွေလုံခဲ့တယ် မလုံခဲ့ဘူးဆိုတာကို သူ့ရဲ့အကျိုးပေးကိုကြည့်ခြင်းအားဖြင့် သိနိုင်ပါတယ်။


ပါဏာတိပါတသိက္ခာပုဒ် မလုံခြုံတဲ့သူ ၊သူတပါးအသက်ကိုသတ်ဖြတ်တဲ့သူဟာ ဖြစ်လေရာဘ၀တိုင်း မျက်စိ၊နား၊နှာ ၊ အင်္ဂါ၊ခြေလက် ချို့ယွင်းတတ်ပါတယ်။ ရုပ်ဆင်းသွင်ပြင် စိုစိုပြည်ပြည် မရှိပဲ မွဲပြာခြောက်ညှိုးနေတတ်ပါတယ်။

အင်အားချို့ယွင်းပြီး အားနည်းနေတတ်ပါတယ်။လျင်မြန်ဖျတ်လတ်ခြင်းကင်းဝေးပြီး တုံ့နှေး တုံ့နှေးဖြစ်နေတတ်ပါတယ်။ဘေးရန်တစ်စုံတစ်ခုပေါ်ပေါက်လာရင် အလွန်အမင်း ကြောက်ရွံ့ထိတ်လန့်နေတတ်ပါတယ်။

သူတစ်ပါးရဲ့ အသတ်အဖြတ်ခံရတတ်သလို ကိုယ့်ဘာသာကိုယ် အဆိပ်သောက် ၊ သေကြောင်းကြံစည်ပြီးလည်း သေရတတ်ပါတယ်။ အနာရောဂါ များတတ်ပါတယ်၊ အခြွေအရံပျက်စီးတတ်ပါတယ်။ အသက်တိုတတ်ပါတယ်။


အဒိန္နဒါနသိက္ခာပုဒ်မလုံခြုံတဲ့သူ ၊ ပိုင်ရှင်မပေးပဲ သူတစ်ပါးပစ္စည်းကို မတရားယူတဲ့သူဟာ ဖြစ်လေရာ ဘ၀တိုင်း ပစ္စည်း ဥစ္စာမွဲတတ်ပါတယ်။ လူဆင်းရဲဖြစ်တတ်ပါတယ်။အငတ်ငတ် အပြတ်ပြတ် နေရတတ်ပါတယ်။ အလိုရှိတာမရပဲ ဖြစ်တတ်ပါတယ်။

လုပ်ငန်းမကျွမ်းကျင်ခြင်း ၊ သူတစ်ပါးလိမ်လည်ခြင်း စတဲ့ အကြောင်းအမျိုးမျိုးကြောင့် စီးပွားဥစ္စာပျက်စီးတတ်ပါတယ်။ ရေ၊ မီး၊ သူခိုး ၊ အမွေခံသားသမီးဆိုး၊ မင်းဆိုးဆိုတဲ့ ရန်သူမျိုး ၅ပါးရဲ့ နှောက်ယှက်ဖျက်ဆီးမှုကြောင့် ပိုင်ဆိုင်သမျှ စည်းစိမ်ဥစ္စာတွေ လက်လွှတ်ဆုံးရှုံးရတတ်ပါတယ်။


ကာမေသုမိစ္ဆာစာရပုဒ် မလုံခြုံတဲ့သူ ၊ မိမိကာမပိုင်မဟုတ်သူနဲ့ ဖောက်ပြန်ကျုးလွန်သူဟာ ဖြစ်လေရာ ဘ၀တိုင်းမှာ မလိုမုန်းထားသူပေါများတတ်ပါတယ်။ရန်သူလဲများတတ်ပါတယ်။လာဘ်လာဘရှားပါ တိတ်ဆိတ်တတ်ပါတယ်။ ချမ်းသာမှု ကင်းဆိတ်တတ်ပါတယ်။

မိန်းမဖြစ်ရတတ်ပါတယ်။မိန်းမမဟုတ် ၊ ယောင်္ကျားမဟုတ် ပဏ္ဍုပ် ( မိန်းမလျာ ၊ ယောက်ျားလျာ) ဖြစ်ရတတ်ပါတယ်။ ယောင်္ကျားဖြစ်ပြန်ရင်လဲ တည်ငြိမ်ရင့်ကျက် မြင့်မြတ်တဲ့ ယောကျာင်္းကောင်းတစ်ယောက်မဖြစ်နိုင်ပါပဲ ၊ မိန်းမတစ်ယောက်လို ဟိုစပ်စပ် ဒီစပ်စပ်နဲ့ သူတစ်ပါးအပေါ် မကောင်းမြင် ပြစ်တင်ဝေဖန်တတ်လွန်းတဲ့ အထင်ကြီးစရာလုံးဝမကောင်းတဲ့ ယုတ်ညံ့တဲ့ အမျိုးသား တစ်ယောက်ပဲ ဖြစ်ရတတ်ပါတယ်။

မျက်နှာပျက်ပြီးတော့ အရှက်ကွဲရတတ်ပါတယ်။ရုပ်ဆင်းအင်္ဂါ လက္ခဏာ တို့ချို့ယွင်းသေးသိမ်တတ်ပါတယ်။ စိုးရိမ်ကြောင့်ကြမှုအားကြီး တတ်ပါတယ်။ကိုယ်ချစ်တဲ့သူတွေနဲ့ ခွဲခွါကွေကွင်းရတတ်ပါတယ်။


မုသာဝါဒသိက္ခာပုဒ် မလုံခြုံတဲ့သူ ၊ မဟုတ်မမှန်တဲ့စကားကို လိမ်ညာလှည့်ပတ် ပြောဆိုတတ်တဲ့သူဟာ ဖြစ်လေရာဘ၀တိုင်း စကားပီပီသသ မပြောတတ်တဲ့သူဖြစ်ရပါတယ်။သွားတွေမညီမညွတ်ရှိတတ်ပါတယ်။ခံတွင်း ပါးစပ်ပုတ်ညှီတတ်ပါတယ်။

ကိုယ်အသားအရေ စိုစိုဖတ်ဖတ်မရှိပဲ ခြောက်ကပ်ပူရှိန်နေတတ်ပါတယ်။ပုံဟန်သွင်ပြင် မလှပပဲ ဆိုး

ဝါးဖောက်ပြန်ချို့ယွင်းနေတတ်ပါတယ်။

သူတစ်ပါးအပေါ် သြဇာမရောက် ၊ အာဏာမတည်ဖြစ်တတ်ပါတယ်။နှုတ်ခမ်းထော်၊လျှာကြမ်းပြီး အပြောအဆို သရမ်းတတ်ပါတယ်။ စိတ်တည်ငြိမ်မှု လုံးဝမရှိပဲ လျှပ်ပေါ်လော်လီပြီး အထင်ကြီးစရာကောင်းနိုင်တဲ့ လူတစ်ယောက် ဘယ်တော့မှ ဖြစ်လာနိုင်မှာ မဟုတ်ပါဘူး။


သုရာမေရယသိက္ခာပုဒ် မလုံခြုံတဲ့သူ ၊သေရည်သေရက် သောက်စားတဲ့သူဟာ ဖြစ်လေရာဘ၀တိုင်း အရေးအခွင့် သင့်မသင့်ကို နားမလည်တတ် ၊မသိတတ်ပါဘူး။ပျင်းရိတတ်ပါတယ်။ အရူးအနှမ်းဖြစ်တတ်ပါတယ်။

သူတစ်ပါးပြုဖူးတဲ့ ကျေးဇူးတွေကို မသိတတ်၊ မဆပ်တတ်တော့ပါဘူး။ဟိရိသြတ္တပ္ပ လို့ခေါ်တဲ့ အရှက် အကြောက်ကင်းတတ်ပါတယ်။ ဘယ်အကုသိုလ်ကိုမှ မရှောင်ပဲ မကောင်းမှု အကုသိုလ်တွေအားလုံးကို အလွယ်တကူပြုမိတတ်ပါတယ်။



ငါးပါးသီလနဲ့ပတ်သက်တဲ့ ဆောင်ပုဒ်ကလေးငါးခုကို နှုတ်တက်အလွတ်ရအောင်ကျက်ထားနိုင်ကြရင် အလွန်ကောင်းပါတယ်။



ပါဏာတိပါတ် ၊သူ့သက်သတ်က

ချို့တတ်အင်္ဂါ ၊ မွဲပြာရုပ်သွင်

အားအင်ချို့ယွင်း ၊လျင်ခြင်းလဲဝေး

ဘေးကိုကြောက်တတ် ၊ အသတ်ခံရာ

အနာများလျှက် ၊ခြွေရံပျက်၍

အသက်တိုလျ ၊ ပြစ်များစွာ့သည်

ရှောင်က အပြန်အကျိုးတည်း။



အဒိန္နဒါ ၊ ခိုးမိပါမူ

ဥစ္စာနည်းမွဲ ၊ ဆင်းရဲငတ်ဘိ

လိုရှိမရ ၊ ဘောဂပျက်စီး

ရေမီးသူခိုး ၊ မွေခံဆိုးနှင့်

မင်းဆိုးအပြား ၊ ရန်မျိုးငါးကြောင့်

ပျက်ပြားဥစ္စာ ၊ ပြစ်များစွာသည်

ရှောင်ခါ အပြန်အကျိုးတည်း။


မိစ္ဆာစာရ ၊ ကျူးလွန်ကလည်း

မုန်းကြသူများ ၊ရန်သူပွား၍

ရှားပါးလာဘ်တိတ် ၊ ချမ်းသာဆိတ်၏

ဣတ္ထိပဏ္ဍုက် ၊မျိုးရုပ်ခါခါ

မျက်နှာမလှ ၊ အရှက်ရလျှက်

လက္ခဏဣနြေ္ဒ ၊ယွင်းသွေချို့သိမ်

စိုးရိမ်များစွာ ၊ ချစ်သူကွာသည်

ရှောင်ခါ အပြန်အကျိုးတည်း။


မုသားစကား ၊ ပြောဆိုငြားမူ

စကားမပီ ၊ သွားမညီတည်း

ပုတ်ညှီပါးစပ် ၊ ခြောက်ကပ်ကိုယ်ရေ

ဣနြေ္ဒနောက် ၊ ပုံယွင်းဖောက်၏

မရောက်သြဇာ ၊ နှုတ်လျှာကြမ်းထော်

လျှပ်ပေါ်လော်လီ ၊ စိတ်မတည်သည်

ရှောင်ပြီအပြန်အကျိုးတည်း။


သေရည်သောက်လင့် ၊သင့်မသင့်၌

ရေးခွင့်မသိ ၊ ပျင်းရိမေ့ရူး

ကျေးဇူးမဆပ် ၊ဟိရောတ္တပ်ကင်း

ခမင်းများထို ၊ အကုသိုလ်ကို

မငြိုလွယ်ရာ ၊ပြုကျင့်ရာသည်

ရှောင်ခါအပြန်အကျိုးတည်း။



ငါးပါးသီလနဲ့ ပါတ်သက်တဲ့ ဒီဆောင်ပုဒ် ငါးခုကို နှုတ်တက်အလွတ်ရအောင်ကျက်ထားပါ။ဆောင်ပုဒ်မှာပါတဲ့ အကျိုးအပြစ်တွေကို တစ်ခုချင်း စဉ်းစားဆင်ခြင်ပါ။ငါးပါးသီလ မလုံခြုံခြင်းရဲ့ အကျိုးဆက်တွေနဲ့ ဖွဲ့စည်းတည်ဆောက်ထားတဲ့ လူတစ်ယောက်ရဲ့ဘ၀ဟာ လူဖြစ်ရကျိုးမနပ်တဲ့ဘ၀မျိုးဖြစ်လို့ အဲဒီလိုလူ့ဘ၀မျိုး မရောက်ရလေအောင် ငါးပါးသီလကို ခါးဝတ်ပုဆိုးလို မြဲမြံအောင် ထိန်းသိမ်းစောင့် ရှောက်နိုင်ကြပါစေ။



အရှင်ဆန္ဒာဓိက ( လောက၌အကောင်းဆုံးသောအရာ)


--

With Metta,
Webmaster
Dhammaransi.net

ဆရာတော် အရှင်ဆန္ဒာဓိက ရဲ့ စိတ်အားဖြည့်ဓမ္မအတွေးလေးများ

စေတနာကောင်းရင် အကျိုးပေးကောင်းတယ်
ဘယ်သူဘယ်လောက်ပဲ အလုပ်များတယ်ပြောပြော
လူတိုင်း လူတိုင်းမှာ
ကိုယ်အလုပ်၊ နှုတ်အလုပ်၊ စိတ်အလုပ်ရယ်လို့ 
အလုပ်သုံးမျိုးပဲ ရှိပါတယ် ။
အဲဒီအလုပ်သုံးမျိုး လုပ်တိုင်း လုပ်တိုင်း
စေ့ဆော်တိုက်တွန်းမှုဆိုတဲ့
စေတနာဓာတ်လေး အမြဲပါပါတယ်။
ကောင်းတာလုပ်ရင် ကောင်းတဲ့စေတနာ၊
ဆိုးတာလုပ်ရင် ဆိုးတဲ့စေတနာ
တွဲပါနေပါတယ် ။
အလုပ်တိုင်းမှာ တွဲပါနေတဲ့ အဲဒီစေတနာဓာတ်လေးကို
ကံ လို့ ခေါ်ပါတယ် ။
စေတနာကောင်းရင် ကံကောင်းပြီး
စေတနာဆိုးရင် ကံဆိုးပါတယ်။
ကံကောင်းရင် အကျိုးပေးကောင်းပြီး
ကံဆိုးရင်တော့ အကျိုးပေး ညံ့ပါတယ် ..။
_________________________________________________
စိတ်ဓာတ်မြင့်မားလေ အများအကျိုးဆောင်ရွက်လေ
ကြုံတွေ့ လာသမျှ လူသားတိုင်းရဲ့ အကျိုးစီးပွားကို
ကိုယ်စွမ်းနိုင်သမျှ မေတ္တာစေတနာအပြည့်နဲ့ 
ကူညီဆောင်ရွက်ပေးတာကိုပဲ
ဒီဘ၀ ကျေးဇူးရှင် ၊သံသရာ့ ကျေးဇူးရှင်တွေကို
ကျေးဇူးတုံ့ ပြန်နေတာမို့ 
ကျေးဇူးဆပ်တယ် လို့ ခေါ်ပါတယ် ..။
မျက်မှောက်မျက်ကွယ် ကျေးဇူးရှင်တွေကို
ကျေးဇူးဆပ်နေရတာကိုပဲ
ပေးဆပ်နေရတယ်လို့ ပေါ့ပေါ့ပါးပါး သုံးနှုန်းကြပါတယ်..။
ကျေးဇူးတရားကို သိနားလည်တဲ့ သူတော်ကောင်းမှန်သမျှ
ကိုယ်နဲ့ ထိတွေ့ ပတ်သတ်လာသူတွေရဲ့  အကျိုးစီးပွားကို
ကိုယ်စွမ်းနိုင်တဲ့ဘက်က
သို့ မဟုတ်
ကိုယ်စိတ်ဝင်စားတဲ့ အခန်း ကဏ္ဍက
အတတ်နိုင်ဆုံး ကူညီ ဆောင်ရွက်ပေးရင်း
ကျေးဇူးတရားကို တုံ့ ပြန်ပေးဆပ်နေကြတာမို့ 
လောကအတွက်ပေးဆပ်နေကြတဲ့
ပရဟိတ သူတော်ကောင်းတိုင်းကို
မြင့်မြတ်စွာ ပေးဆပ်နေသူများလို့ 
ကမ္ပည်းထိုးနိုင်ပါတယ် …။
______________
သူ့ အနာဖျောက်ရင် ကိုယ့်အနာပျောက်တယ်
သူတစ်ပါးရဲ့ နာရေးကို
ကူညီစောင့်ရှောက်ပေးတဲ့သူဟာ
ဘ၀ရဲ့ နာရေး ဒုက္ခ အမျိုးမျိုးမှ
လွတ်မြောက်နိုင်ပါတယ် ။
စီးပွားဥစ္စာ မပြည့်စုံတဲ့ ဘ၀နာရေး၊
ကျန်းမာရေး ညံ့ဖျင်းတဲ့ ဘ၀နာရေး၊
အသိအလိမ္မာ ဥာဏ်ပညာ
ချို့ တဲ့တဲ့ ဘ၀နာရေး၊
အချစ်ကံ
အိမ်ထောင်ရေးကံမကောင်းတဲ့ ဘ၀နာရေး
အစရှိတဲ့ ဘ၀ရဲ့ နာရေးဒုက္ခ အမျိုးမျိုးဟာ
နာရေးကူညီသူ ကုသိုလ်ရှင်ရဲ့ ဘ၀ထံပါးမှာ
ပိန်းကြာရွက်တွင် ရေမတင်လျှောကျသကဲ့သို့ 
ကင်းစင်လွင့်ပျောက်
မကျမရောက်ပဲရှိမှာ သေချာပါတယ် …။

_______________________________________________
စိတ်ထားတတ်မှ စိတ်ချမ်းသာမယ်
ယောနိသောမရှိတဲ့သူ၊ စိတ်မထားတတ်တဲ့သူဟာ
ကိုယ်ကိုယ်တိုင်လည်း စိတ်ချမ်းသာအောင်မနေတတ်သလို
ကိုယ့်ပတ်ဝန်းကျင်ကိုလည်း
စိတ်ချမ်းသာအောင် ဖန်တီးမပေးနိုင်ဘူး ..။
ဒါကြောင့် မိမိရော၊ မိမိ ပတ်ဝန်းကျင်ပါ
စိတ်ချမ်းသာမှု အမြဲ ရှိစေဖို့ အတွက်
လူသားတိုင်း
စိတ်ကျန်းမာရေးကောင်းအောင်
ကြိုးစားဖို့ လိုအပ်လှပါတယ် ..။
သိပ်မခက်ခဲပါဘူး
အရာရာကို ယောနိသောမနသိကာရ ထားလိုက်ယုံပါပဲ ။
စိတ်ထားတတ်ရင် စိတ်ကျန်းမာပါတယ် ။
ယောနိသောမနသိကာရ ဆိုတာ
စိတ်ထားတတ်တာကိုပြောတာပါ ..။
ကောင်းတဲ့အခြေအနေနဲ့ ပဲ တွေ့ တွေ့ ၊
ဆိုးတဲ့ အခြေအနေနဲ့ ပဲ တွေ့ တွေ့ ၊
တွေ့ သမျှ အခြေအနေထဲက ကောင်းတဲ့အချက်ကို
မရရအောင် ရှာကြံတွေ့ ပြီး
စိတ်ချမ်းသာအောင် ထားတတ်တာကို
စိတ်ထားတတ်တယ်လို့ ခေါ်ပါတယ် ။
စိတ်ထားမတတ်ရင်
စိတ်ချမ်းသာစရာနဲ့  တွေ့ နေတာတောင်မှ
စိတ်ဆင်းရဲ နေတတ်ပါတယ် …။
___________________________________________
အမှန်ပြောရင် သံယောဇဉ်လည်းရှိပါတယ်
မေတ္တာအခံမှာ သံယောဇဉ်ရှိမှ၊
သံယောဇဉ်အခံမှာ မေတ္တာရှိမှ
အကျွမ်းဝင်သူ ဖြစ်နိုင်ပါတယ် ။
မေတ္တာနှင့်ယှဉ်သော သံယောဇဉ်
သံယောဇဉ်နှင့် ယှဉ်သောမေတ္တာဟာ
အကျွမ်းဝင်ခြင်းရဲ့ လက္ခဏာပါ ။
မေတ္တာသာရှိပြီး သံယောဇဉ်မရှိရင်လည်း
ကိုယ့်အပေါ်ဆက်ဆံတာဟာ
အားလုံးအပေါ်ဆက်ဆံတာထက်
ပိုပြီးဂရုတစိုက်ရှိမှာ မဟုတ်ပါဘူး ။
သံယောဇဉ်သာရှိပြီး မေတ္တာမရှိရင်လည်း
ကိုယ့်ရဲ့ ကောင်းကျိုးဆိုးကျိုး၊
ကောင်းမှု ဆိုးမှုတွေကို
ဝေမျှခံစားနားလည်နိုင်စွမ်း၊
အကျိုးဆောင်ပေးနိုင်စွမ်း၊
ရှိမှာမဟုတ်ပါဘူး ။

________________________________________________
အရာရာ အဆင်ပြေချင်ရင် အရာရာတိုင်းမှာ သဒ္ဓါတရားရှိပါ
စားဝတ်နေရေးနဲ့ ပတ်သတ်လို့ 
အစစအရာရာ အဆင်ပြေချင်ရင်
ဒါနကောင်းမှုမှာ သဒ္ဓါတရားအားကောင်းရပါမယ် ..။
ကျန်းမာရေးနဲ့ ပတ်သတ်လို့ 
အစစအရာရာ အဆင်ပြေချင်ရင်
သီလကောင်းမှုမှာ သဒ္ဓါတရားအားကောင်းရပါမယ် ..။
စိတ်ဓာတ်ရေးရာမှာ
အစစအရာရာ အဆင်ပြေချင်ရင်
သမထကောင်းမှုမှာ သဒ္ဓါတရားအားကောင်းရပါမယ် ..။
အသိဥာဏ်ပညာမှာ
အစစအရာရာ အဆင်ပြေချင်ရင်
ဝိပဿနာကောင်းမှုမှာ သဒ္ဓါတရားအားကောင်းရပါမယ် ..။

______________________________________________________
သဒ္ဓါသာဝင်နေရင် အရာရာအဆင်ပြေပါတယ်
သဒ္ဓါတရားသာရှိရင်
အာရုံတိုင်းဟာ ကုသိုလ်အာရုံတွေ ချည်းပါ ..။
သဒ္ဓါတရားသာရှိရင်
နေရာတိုင်းဟာ ကုသိုလ်နေရာတွေ ချည်းပါ..။
သဒ္ဓါတရားသာရှိရင်
အလုပ်တိုင်းဟာ ကုသိုလ်အလုပ်တွေချည်းပါ ..။
သဒ္ဓါတရားသာရှိရင်
အချိန်တိုင်းဟာ ကုသိုလ်အချိန်တွေ ချည်းပါ ..။
ကုသိုလ်စီးပွားနဲ့ တရားရတနာဟာ
သဒ္ဓါအရင်းအနှီး ရှိသူတွေအတွက်သာ
သီးခြားဖြစ်ထွန်းနေတဲ့
သဘာဝ အခွင့်အရေးတွေပါပဲ …။
_____________________________________

တရားအလှူကမ်းပါမှ အများလူချမ်းသာမယ်
သံသရာမှာ ဘ၀ကောင်းရတယ်
ချမ်းသာကောင်းခံစားရတယ်ဆိုတာ
ကုသိုလ်ကံကောင်းရှိလို့ ပါ ။
ကုသိုလ်ကံကောင်းသာမရှိရင်
ချမ်းသာကောင်း ခံစားရတဲ့
ဘ၀ကောင်းကို လုံးဝမရနိုင်ပါဘူး ။
ကုသိုလ်ကံကောင်းရဖို့ ဆိုတာကလည်း
ကုသိုလ်ကံကောင်းတွေကို
စိတ်လိုလက်ရ ပြုလုပ်အားထုတ်မှ ရှိနိုင်ပါတယ် ။
ကုသိုလ်ကံကောင်းတွေကို
စိတ်လိုလက်ရ ပြုလုပ်အားထုတ်ဖြစ်ဖို့ ဆိုတာကလည်း
ကုသိုလ်ကံကောင်းတွေကို
စိတ်လိုလက်ရ ပြုလုပ်အားထုတ်သင့်တယ်လို့ 
နားလည်သဘောပေါက်တဲ့
အသိဥာဏ်ရှိမှ ဖြစ်နိုင်ပါတယ် ..။
အဲဒီ အသိဥာဏ်ကို
တရားအလှူ ( ဓမ္မဒါန ) ကသာ
ပေးစွမ်းနိုင်ပါတယ် ..။
________________________________________________
သဘောတရားအတွေးစတစ်ခု၊ စကားစုတစ်ခုဟာ လူတစ်ယောက်ရဲ့ စိတ်နေစိတ်ဓာတ်နဲ့ ဘ၀ကို
ပြောင်းလဲစေနိုင်ပါတယ် ..။


from e-mail